Lokakeppni Stóru upplestrarkeppninnar var haldin að Möðruvöllum í Hörgárdal 2. mars. Undirbúningur keppninnar hefst á Degi íslenskrar tungu og lýkur í mars en eingöngu nemendur 7. bekkjar taka þátt. Þátttakendur voru 10 talsins frá fimm skólum við Eyjafjörð og í Ljósavatnsskarði þ.e. Þelamerkurskóla, Hrafnagilsskóla, Valsárskóla, Greinivíkurskóla og Stórutjarnaskóla. Fulltrúar okkar í keppninni voru þau Arna Ýr Karelsdóttir og Friðrik Karlsson og stóðu þau sig með prýði. Úrslitin urðu þau að Friðrik sigraði og óskum við honum til hamingju með árangurinn.
|
|||||
|
|
Fimmtudaginn 4. mars fóru allir nemendur grunnksóladeildar í skíðaferð í Hlíðarfjall. Gekk ferðin í alla staði mjög vel og allir nemendur komu heilir heim. Veðrið var gott og skíðafæri eins og best verður á kosið. Hér má sjá myndir frá ferðinni. Á mánudaginn fórum við í íþróttahúsið og skemmtum okkur vel síðan var útivera í kuldanum eftir hádegi. Á þriðjudaginn var tónlist hjá Maríu og útivera í góðu veðri fyrir og eftir hádegi. Í hópastarfi á miðvikudaginn bjuggum við til blómapotta úr súrmjólkurfernum og á fimmtudaginn gróðursettum við gulrótarfræ í pottana. Spennandi verður svo að fylgjast með þegar fræin fara að spíra. Endilega komið inn á deild og skoðið í pottana. Á föstudaginn var svo vasaljósadagur og útivera í vorveðrinu og pollunum. Takk fyrir góða viku. Foreldrafélag Krummakots þakkar kærlega fyrir stórskemmtilega stund í Hálsaskógi á sunnudaginn var og frábæra þátttöku. Fimmtudaginn 11. mars eiga allir nemendur kost á bólusetningu gegn svínainflúensu. Gert er ráð fyrir að allir verði bólusettir nema foreldrar láti vita ef þess er ekki óskað eða barn þeirra hafi verið bólusett áður. Hægt er að koma skilaboðum til hjúkrunarfræðings á netfangið hugrun@krummi.is eða hringja í ritara. Nýr starfsmaður kemur til starfa á leikskóladeild 3. mars. Hún heitir Linda Brá Sveinsdóttir og verður aðallega í afleysingum. Við bjóðum Lindu hjartanlega velkomna til starfa
Mikið var um dýrðir á sprengidagshátíð grunnskólans. Kynjaverur af öllum stærðum og gerðum svifu um skólann ýmist í draugaherbergjum, hjá spákonum, í marseringu eða borðandi pitsur. Að sjálfsögðu var kötturinn sleginn úr tunnunni. Hér má sjá myndir frá hátíðinni.  Þá er fjörug vika senn á enda. við fórum ekki íþróttahúsið á mánudaginn vegna þessa að það var bollukaffi kl 10:00, en í staðinn settum við upp þrautabraut inni á deild og skemmtu börnin sér mjög vel. Eftir hopp og skopp í góðan tíma fengu svo allir gómsæta rjómabollu og því næst skelltum við okkur út að hlaupa af okkur rjómannJ.Á þriðjudaginn fengum við gómsæta baunasúpu frá Valda kokk sem rann ljúflega niður hjá flestum þó svo að sum létu sér nægja að veiða kjötið og grænmetið upp úr súpunni.
Á miðvikudaginn mættu í leikskólann prinsessur, kisur,kanínur,spiderman,gírafi,sjóræningjar og fleiri furðverur og fígúrur. Við byrjuðum á að fara í heimsóknir á hinar deildirnar að syngja og fengu einnig heimsóknir til okkar. Kl 10:00 var sameiginlegat öskudagsball fyrir allan leikskólann inní matsal og þar var „kötturinn“ sleginn úr tunnunni en í staðin fyrir kött kom úr tunninni rúsínupakkar og popppokar. Það fór hver á sína deild og gæddum við okkur á góðgætinu. Eftir hádegismatinn fóru allir út og fengu smá útrás eftir spennu morgunsinsJ
Síðan síðustu fréttir rötuðu hingað inn hafa 3 börn átt afmæli á Furunni. Eyþór varð 4 ára 6 febrúar, Elsa Bjarney varð 3 ára þann 7 febrúar og Örn Ægir varð 3 ára 13 febrúar, óskum við þeim innilega til hamingju með afmælin.
Í næstu viku mun kötturinn Snúður fara á stjá aftur eftir nokkuð gott jólafrí og heimsækja hvert barn 2x fram að sumri.
Kveðja frá Furunni. Heiðdís Fjóla, Helga og Sigga.
|
||||
|
Hrafnagilsskóli Eyjafjarðarsveit, 601 Akureyri, sími: 4648100 (grunnskóli) og 4648120 (leikskóli), Fax: 4648101, Netfang: hrafnagilsskoli@krummi.is |
|||||
