Hrafnagilsskóli

Vegna hagstæðrar veðurspár hefur verið ákveðið að flýta útivistardeginum sem vera átti 7. september til fimmtudagsins 2. september.

Nemendur á yngsta stigi ganga upp með Reykánni og nemendur 6.-10. bekkjar eiga kost á því að ganga á Krumma eða fara hring á austurbakkanum, meðfram hitaveiturörinu til norðurs að Eyjafjarðará á móts við Ytra-Gil og heim aftur eftir árbakkanum.

Myndin hér fyrir neðan var tekin í gönguferðinni í fyrra.

Nú er komið að stóru stundinni en kór Hrafnagilsskóla flytur þrjú lög í kvöld í Hofi undir stjórn Maríu Gunnarsdóttur á tónleikum með Lay Low og eitt lag með Helenu Eyjólfsdóttur. Hér fylgja nokkrar myndir af æfingunni í gærkvöldi.

View Full Album

Kór Hrafnagilsskóla undir stjórn Maríu Gunnarsdóttur æfir nú af kappi fyrir tónleika í Hofi 27. ágúst nk. Þar mun kórinn koma fram ásamt Lay Low og syngja með henni fjögur lög. Tónleikarnir eru liður í opnunarhátíð hússins sem verður formlega vígt 28. ágúst.

View Full Album

Starfsfólk grunnskólans sótti skyndirhjálparnámskeið dagana 12. og 13. ágúst þar sem farið var yfir helstu þætti skyndihjálpar. Öllum sem vinna með börnum er nauðsynlegt að kunna réttu viðbrögðin þegar eitthvað bregður útaf og er þetta einn liðurinn í að bæta öryggi barna. Jón Knúdsen sjúkraflutningsmaður sá um kennsluna sem var bæði bókleg og verkleg.

Nemendur 10. bekkjar fóru í skólaferðlag þriðjudaginn var og eru væntanlegir heim síðdegis í dag. Við höfum fengið fréttir daglega af þeim og allt hefur gengið eins og í sögu. Í dag fara þau í fljótasiglingu í Skagafirði en þau gistu á Bakkaflöt í nótt. Meðfylgjandi myndir úr höfuðborginni fylgdu með einn daginn.