Hrafnagilsskóli

Við á Eikinni byrjuðum þessa viku skemmtilegum danstímameð Elínu, við tókum marga skemmtilega dansa og getum ekki beðið eftir að sýna öðrum. Svo fórum við í hið vikulega skólasmstarf sem var gaman en á þriðjudaginn mótuðum við eldfjöll úr trölladegi í tilefni eldgosanna á Íslandi. Seinna ætlum við svo að mála eldfjöllin og búa til smá gos.
Í dag fórum við í fyrsta göngutúrinn síðan um áramót, við gengum áleiðis upp á fjall, stoppuðum einhverstaðar og fengum okkur nesti. Við gengum svo til baka, fórum smá krókaleiðir og ævintýraferðir sem enduðu í Aldísarlundi. Þar fundum við lítinn leikvöll þar sem við lékum okkur áður en við fórum heim.
Veður hefur svo sem verið ágætt þó að það mynni okkur ekkert á að sumardagurinn fyrsti er að ganga í garð. Við viljum líka biðja fóreldra að taka eitthvað af skítugum fötum hjá krökkunum og þvo þau.

Takk fyrir vikuna og eigiði góðan sumardag hinn fyrsta

Það var rosalega mikið um skemmtilega hluti í þessari viku, krakkarnir byrjuðu vikuna á nýju skólasamstarfi, til dæmis krakkarnir í rauða hópnum sem fengu heimsókn frá grunnskólanum gerðu litla teiknimynd með myndvarpa og glærum.
Fyrsti danstíminn var í þessari viku og fóru allir til Elínar og skemmtu sér konunglega. Þau lærðu nokkra dansa og ætla að halda áfram að æfa sig komandi vikur. Á miðvikudaginn var óvæntur glaðningur í kaffinu, þar sem allir á leikskólanum fengu ljúffenga skúffuköku.
Undanfarna daga höfum við verið að vinna með páskana í hópastarfinu, við höfum litað, klippt og límt páskaegg og páskaunga og síðast en ekki síst höfum við ferið að „putta prjóna“ páska unga, þeir eru núna tilbúnnir upp á deild svo endilega komið og skoðið þá.
Enn og aftur vil ég minna foreldra á að koma með regnföt handa krökkunum þó það sé ekki rigning, allt er rennandi blautt úti og pollar og drulla út um allt.

Takk fyrir vikuna

Síðustu dagar hafa verið mjög fínir, við höfum leikið okkur mikið úti enda hefur veðrið skánað til muna fyrir utan síðustu tvo. Þá hefur verið rigning og slydda og mætti minna foreldra á að koma með pollaföt handa krökkunum, því að sumir urðu ansi blautir.

Skólasamstarfið hefur gengið vel og núna á mánudaginn var fjórða skiptið sem það hefur verið eftir áramót. Nú förum við að skipta yfir í önnur skemmtileg verkefni sem krakkarnir inna með fyrstu bekkingum.
Einnig hefur verið gaman í hópastarfinu, þar sem að við höfum verið að vinna með litli, þ.e.a.s. blöndun lita og svo bara lita fallegar myndir. Síðasta mánudag var krökkunum á Eikinni boðið á dassýningu grunnsólanns, þar sem nokkrir bekkir sýndu dans í íþróttahöllinni, þetta var rosalega flott sýning og allir skemmtu sér vel.

Takk fyrir vikurnar